Perdormire
Струмица

ЕКСКЛУЗИВНО: РУДНИК НЕМА ДА ИМА БИДЕЈЌИ КОМПАНИЈАТА НЕ ГИ ИСПОЛНИЛА ЗАКОНСКИТЕ УСЛОВИ ЗА ВРШЕЊЕ ЕКСПЛAТАЦИЈА!

Home

Министерството за економија на денешната седница на Владата на Република Македонија информираше дека се исполнети законските услови за донесување на решение за одбивање на барањето за издавање на дозвола за експлоатација на минерална суровина – бакар и злато на локалитетот „Иловица“, општина Босилово на ЕУРОМАКС Ресоурцес ДОО Скопје.

Во информацијата којашто денеска пред Владата ја презентираше Министерството за економија, утврдено е дека компанијата не ги доставила сите потребни документи кои се бараат согласно Законот за минерални суровини за добивање на дозвола за експлоатација.

По истекот на задолжителниот рок за жалба од 15 дена, Владата на Република Македонија ќе може да донесе и конечна одлука за едностран раскин на Договорот за концесија со ЕУРОМАКС Ресоурцес ДОО Скопје.