На 23 декември, понеделник, Струмица ќе биде сведок на уникатен настан – шестминутното шоу на 150 дронови од Coca-Cola, кое ќе се одржи на градскиот плоштад со почеток во 19:00 часот. Овој спектакуларен настан ќе го исполни небото над Струмица со светлосни ефекти и креативни форми, создавајќи магична атмосфера, која ќе го воодушеви секој присутен.

Шоуто е дел од серијата настани што Coca-Cola ги организира во Македонија, а покрај во Скопје, ќе има можност и струмичани да уживаат во оваа визуелна уметност. Организаторите ги покануваат сите да дојдат под елката и да го искусат ова незаборавно искуство.

Покрај што ќе уживаат во неверојатната светлосна и аудио-стимулативна шоу програма, посетителите ќе имаат можност да се дружат и да се забавуваат во празничната атмосфера што овој настан ќе ја создаде.