Собранието го изгласа Договорот за стратешко партнерство со Обединетото Кралство – Македонија чекори кон силно меѓународно сојузништво
Собранието на Република Македонија го изгласа Договорот за стратешко партнерство со Обединетото Кралство, што претставува значаен чекор напред во надворешната политика и меѓународната соработка на земјата.
Премиерот Христијан Мицкоски го поздрави донесувањето на договорот, оценувајќи го како силен сигнал за стабилност, раст и зајакнување на билатералните односи со една од највлијателните и најразвиените држави во светот.
„Ова е силно сојузништво со една од најсилните држави. Ова носи економски и политички придобивки за заедничката иднина на сите наши граѓани“, истакна Мицкоски.
Според премиерот, договорот претставува реализација на конкретни чекори кои ќе ја доближат Македонија до посакуваните евроатлантски вредности и ќе отворат нови можности за инвестициски проекти, трговија, иновации и образовна соработка.
„Промените се случуваат и веќе се чувствуваат. Ова е уште еден доказ дека Македонија оди напред“, порача Мицкоски.
Договорот со Обединетото Кралство се смета за еден од клучните документи кои ја потврдуваат определбата на државата кон стабилни и продуктивни меѓународни односи, со фокус на долгорочен развој и благосостојба на граѓаните.
