Со голема тага колективот на ООУ „Маршал Тито“ од Струмица ја прими веста за прераната смрт на долгогодишната колешка Марија Челебиева, која со години беше дел од училишниот колектив и со голема посветеност ја извршуваше својата работа како библиотекар.

Челебиева ќе остане запаметена по љубовта кон книгата, грижата за учениците и професионалниот однос кон работните обврски. Нејзината посветеност и човечност оставија трага кај генерации ученици, но и кај колегите со кои соработуваше.
Од ООУ „Маршал Тито“ упатија искрено сочувство до семејството, роднините, пријателите и сите кои ја познаваа, сакаа и почитуваа Марија Челебиева.

„Споменот за неа ќе остане дел од нашето училиште и од срцата на генерациите ученици и колеги со кои го споделуваше своето знаење, добрина и човечност“, истакнуваат од училиштето.

Посмртните останки на Марија Челебиева ќе бидат изложени во градската капела во Струмица на 31 август 2026 година, од 12:00 до 14:00 часот.

Нека почива во мир.