Градоначалникот на Општина Василево, Славе Андонов, оствари средба со струмичкиот кик-боксер Пепи Велков, кој неодамна постигна голем спортски успех освојувајќи го првото место на Светскиот куп во кик-бокс што се одржа во Турција.
На средбата, Андонов му упати честитки за извонредниот резултат, истакнувајќи дека ваквите успеси се доказ дека од општина Василево излегуваат врвни спортисти кои достојно ја претставуваат Македонија на меѓународната спортска сцена.
Според градоначалникот, Пепи Велков е вистинска гордост за Василево и инспирација за младите генерации, покажувајќи дека со посветеност, дисциплина и борбен дух може да се достигнат врвни резултати.
Од Општина Василево порачаа дека поддршката за успешните спортисти ќе продолжи и во иднина, со желба Пепи Велков да продолжи да реди нови победи, медали и успеси, носејќи гордост за локалната заедница и за целата држава.
