Струмички Карневал ја информира јавноста дека на 19 февруари (четврток), со почеток од 19:00 часот, во Центар за култура „Антон Панов“ – Струмица, ќе се изведе мјузиклот „Аладин и волшебната ламба“.
Станува збор за сценско-музичка претстава наменета за публика од различни возрасни категории, која преку актерска игра, музика и сценска динамика ја оживува една од најпознатите приказни од светската ризница на фантастиката.
Влезниците се пуштени во продажба секој ден од 13:00 до 20:00 часот во билетарата на Центарот за култура „Антон Панов“, по цена од 250 денари.
