Во фоајето на Центарот за култура „Антон Панов“ во Струмица, на 30 октомври 2025 година (четврток), со почеток од 19:00 часот, ќе се одржи книжевно-музичка вечер под наслов „Преместени хоризонти“.
На настанот ќе учествуваат:
Епископ Давид Нинов
Синоличка Трпкова
Сашо Гигов Гиш
Јанинка Невчева – пијано
Со учесниците ќе разговараат Ана Витанова–Ринггачева и Сузана Миџева, отворајќи простор за креативен дијалог, интимни книжевни приказни и музички интермецо моменти.
Настанот претставува уште еден значаен културен спој на литературата и музиката во организација на Фондацијата „Елеуса“, кој има за цел да ги збогати културните содржини во градот и да понуди нови хоризонти на толкување, емоција и уметнички израз.
Публиката ќе има можност да присуствува на вечер исполнета со современа книжевност, артистичка интеракција и музички делови кои создаваат уникатна атмосфера за љубителите на уметноста.
