Дворот на Територијалната противпожарна единица Струмица денес беше исполнет со детска радост, смеа и позитивна енергија. Во посета пристигнаа учениците од трето одделение од ООУ „Сандо Масев“ Струмица, кои имаа можност одблиску да се запознаат со работата на пожарникарите, нивната опрема и противпожарните возила.

Особено внимание кај децата привлече демонстрацијата со противпожарното црево, која тие со големо воодушевување ја следеа. Преку интерактивен пристап, пожарникарите им објаснија како да се однесуваат во случај на пожар и други опасности, а учениците возвратија со насмевки, бројни прашања и искрена љубопитност.

Од ТППЕ Струмица посочуваат дека ваквите едукативни средби се од особено значење, бидејќи преку игра и дружење се гради свеста кај најмладите за безбедноста, но и се поттикнуваат вредности како храброст, одговорност и хуманост.