Perdormire
Култура

Струмички комуналец поставува контејнери со порака за поголема хигиена

Јавното претпријатие ,,Комуналец” од Струмица во соработка со општината почна со поставување нови контејнери. Станува збор за метални контејнери со зафатнина од 1,1 кубен метар, а се поставени пред јавните институции и улиците во централното градско подрачје. Досега се поставени 150 контејнери, а според изготвениот план во текот на следната работна недела ќе се постават уште 150 нови контејнери. Сите имаат порака „Остави ме овде, ова е моето место“, со цел за покревање на јавната свест кај граѓаните.

„Целта на акцијата е да се подобри општата хигиена во градот, а со пораката поставена на контејнерите се надеваме и на зголемување на свеста кај граѓаните истиот да го депонираат во нив, а не да го фрлаат во нивна непосредна близина“, информираа од ЈПКД Комуналец – Струмица

Средствата за набавка на новите 300 метални корпи за отпадоци се обезбедени од Буџетот на општината, а од струмички Комуналец тврдат дека одделението „Механизација“ ги поправа и старите контејнери што се демолирани пред колективните станбени комплекси, но и на фреквентните улици.