Perdormire
Култура

СТРУМИЧАНЕЦОТ ДЕНИ ПЕРОВ НАЈБРЗ И НАЈДОБАР КЕЛНЕР!

Оф програмата на годинашното седмо издание на манифестацијата „Струмица опен фестивал“ започна со „Трката на келнери“ која што се одржа на плоштадот „Гоце Делчев“. Дваесетина келнери од Струмица, Гевгелија и Радовиш, меѓу кои и две девојки се натпреваруваа за награди во паричен износ од 6.000, 8.000 и 12.000 денари. Најдобар и најбрз келнер беше Дени Перов од Струмица кој што го освои првото место, а наградата му ја врачи градоначалникот Коста Јаневски. Претседателот на Советот на општина Струмица, Марјан Даскаловски му ја врачи наградата за освоеното второ место на Горан Митев од Струмица, а третото место го освои Игор Стефановиќ од Гевгелија.