Home

Perdormire
Култура

„Прва лего лига“ – натпревар за талентирани деца по информатика и роботика, СОУ „Никола Карев“ го освоија првото место во категоријата за успешно проектно решение!

Home

Во просториите на Факултетот за Информатика во Штип се одржа првиот државен натпревар „Прва Лего Лига“ за деца од 9 до 16 години што е меѓународна мултидисциплинарна истражувачка програма која ги инспирира младите луѓе да истражуваат во науката и да решаваат реални проблеми.

Tемата на проектот оваа година е „Во Орбитата“ а тимовите имаат задача да идентификуваат физички или социјален проблем со кој луѓето се соочуваат за време на нивното долгорочно истражување на вселената во нашиот Сончев систем, како и да предложат решение.

СОУ „Никола Карев“ учествуваше во сите категории со тимот ученици: Мелани Додевска, Стефан Сачевски, Горан Костадинов, Кристијан Пеливанов, Димитар Витанов, Васко Караиванов и Кире Тасев сите од I-9 клас, ментор Лидија Петрова Иванова и тренер Борислав Манчев и при тоа го освоија ПРВОТО место во категоријата за успешно проектно решение. Проектот на учениците беше: ” Био-фарма за рециклирање на вода, воздух, производство на храна и психолошки придобивки кај космонаутите во вселенски брод”. Честитки до сите и да продолжите со успеси.