Perdormire
Култура

Градоначалникот Јаневски ги посети децата вклучени во целодневниот престој во градинката „Детска радост“

Во градинката „Детска радост“, клон 2, започна да функционира целодневниот престој на децата на возраст од 6 до 10 години. Запишани се околу 50 деца – ученици во основните училишта „Сандо Масев“, „Видое Подгорец“ и „Никола Вапцаров“ и со нив работат двајца воспитувачи од одделенска настава. Децата кои сега се вклучени во целодневниот престој имаат и организиран превоз од училиштата во придружба на воспитувачите и добиваат ручек и ужинка. Со ова општина Струмица им помага на родителите кои поради работни или други обврски не се во можност да бидат со своите деца во домовите и да им помагаат при извршувањето на училишните обврски. Градоначалникот Коста Јаневски со своите соработници, денеска, ги посети децата вклучени во целодневниот престој и при тоа потенцираше дека интересот за вклучување на децата во целодневен престој е голем и овој простор не ги задоволува целосно барањата на родителите, но општина Струмица и градинката „Детска радост“ ќе направат се овој проблем да се реши со цел што поголем број на деца да бидат вклучени во целодневниот престој.