Вандали во Струмица корнеле цвеќе од жардиниери на плоштадот

август 6, 2018

На мета на вандали во Струмица биле цветните расади во бетонските жардиниери на плоштадот „Гоце Делчев“, соопштија од прес службата на ЈПКД „Комуналец“.

Пред неколку денови на удар на вандалите и несовесните граѓани беше урбана опрема во Градскиот парк, а не се поштедени ниту цвеќињата од јавните површини во градот.

ОД ЈПКД „Комуналец“ апелираат до граѓаните да не ги оштетуваат  цветните расади, кои ги красат парковите и зелените површини  низ градот, бидејќи тие се на сите граѓани и се заедничко добро.

Инаку, од почетокот на годината се евидентирани повеќе случаи на кршење и уништување на урбана опрема, но досега не е пронајден ниту еден од сторителите.

Споделете ја оваа вест доколку ви се допадна: