Perdormire
Хроника

СТРУМИЧАНЕЦ СО СВОЈОТ АВТОМОБИЛ ИЗЛЕТА ОД ПАТОТ!

ИСТОКПРЕСС:

Млад струмичанец на возраст од 33 години со своето возило излета денес во коритото на реката Отиња во близина на бензинската станица на Макпетрол во штипско Ново Село.

Претходно момчето удрило во две паркирани возила, а потоа излетало од патот и се нашло во речното корито. Возилото е марка Форд фокус и е со бугарски таблички, а настанот се случил денес околу 12,30 часот.

Според СВР Штип во возилото била и негова врсничка но тие не се сигурни во каква врска биле младите. Ние дознаваме дека младата жена му била сопруга. Првите претпоставки се дека несреќата е резултат на пребрзо возење зашто инцидентот се случил на остра кривина, но резултатот ќе се знае дури по вештачењето на возилото.

Возачот поминал со мали повреди додека неговата сопруга се здобила со посериозни повреди но кои не се опасни по живот и е пренесена во Клиничката болчница во Штип.