Секторот за внатрешни работи Струмица до Основното јавно обвинителство Струмица, поднесе кривична пријава против Џ.Д.(32) од Струмица, поради постоење основано сомневање дека пријавениот сторил кривичното дело „Oбљуба врз немоќно лице“ предвидено во член 187 став 1 од КЗ на РМ. Имено, на 11.12.2018 година, лице од струмичко село во ПС од ОН Струмица, пријавил обљуба над нејзината ќерка, која е со умерена психичка попреченост. Веднаш по пријавување на настанот од страна на полициски службеници во СВР-Струмица превземени се мерки и активности за идентификување на сторителот и расветлување на кривично-правниот настан. Лицето е лишено од слобода во просториите на СВР-Струмица а по обавениот разговор заедно со кривичната пријава е предадено во ОЈО Струмица.
