Два одделни прекина во снабдувањето со струја се најавени за утре, четврток, 29 октомври, во Струмица. За дел од корисниците исклучувањето ќе трае шест часа, додека други ќе бидат без електрична енергија еден час, според известувањето од ЕВН – КЕЦ Струмица.

Подолгиот прекин е предвиден од 09:00 до 15:00 часот и ќе опфати делови од четири улици, како и маркетот „Шпар“ на „Младинска“ бр. 160 и градинката – клон 6.

Во овој термин без струја ќе бидат:

На „Елка Јанкова“ – потегот од ФОН до раскрсницата со „Киро Абрашев“;

На „Киро Абрашев“ – делот кај бараките до раскрсницата со „Ѓорги Василев“, кај месарата „Ѓозо“;

На „Младинска“ – потегот од ФОН до ООУ „Никола Вапцаров“;

На „Ѓорги Василев“ – делот од градинката – клон 6 кон раскрсницата со „Ристо Ќурчиев“.

Второто исклучување ќе биде од 11:00 до 12:00 часот. Тогаш прекин ќе има на улиците „Антон Панов“ и „Мара Минанова“, како и на уште два потега:

На „Младинска“, меѓу раскрсниците со „Ристоман Попчевски“ и „Ѓорги Упчев“;

На булеварот „Маршал Тито“, од раскрсницата со „Ристоман Попчевски“ до излезот од градот.

Причина за најавените исклучувања се планирани работи во трафостаница, информираат од ЕВН – КЕЦ Струмица.