Вонредна инспекциска контрола во месарница во Општина Василево завршила со заплена и нештетно уништување на 470 килограми месни производи, привремено затворање на комора и парични казни за правното лице.
Според Агенцијата за храна и ветеринарство (АХВ), инспекторите откриле нерегистрирана комора во која биле складирани 400 килограми замрзнати ќебапи и плескавици, како и 70 килограми внатрешни органи.
Целата запленета количина била однесена на депонија и нештетно уништена, а комората е привремено затворена.
На правното лице му се изречени парични казни поради работење во нерегистриран објект и неозначување на производите.
