Општина Струмица на својата официјална веб-страница објави јавен повик со кој домашни и странски, правни и физички лица можат да конкурираат за добивање право на поставување рекламни паноа на однапред утврдени локации, за период од пет години.
Со повикот се опфатени вкупно 40 локации, а постапката ќе се реализира преку јавно наддавање. Локациите се поделени во две групи, во зависност од димензиите на билбордите.
Во првата група се 25 локации за паноа со големина 5 х 2,4 метри, со почетна цена од 201.600 денари на годишно ниво. Втората група опфаќа 15 локации за паноа со димензии 4 х 3 метри, каде почетната цена за закуп изнесува 144.000 денари годишно.
Од општината информираат дека заинтересираните треба да достават пријави најдоцна до 30 јануари, а јавното наддавање за двете групи локации е закажано за 3 февруари, кога ќе биде познато и кој ќе го добие правото на користење на локациите.
Дополнително, како што се наведува, сопствениците на веќе поставените рекламни паноа и билборди на територијата на Струмица ќе треба да ги отстранат, со цел да не се создаде впечаток на предност во постапката. Новите закупци, по завршувањето на наддавањето, ќе имаат право да постават билборди на наведените локации.
ЗА УСЛОВИТЕ И ЛОКАЦИИТЕ, КЛИКНЕТЕ НА ЛИНКОТ: https://strumica.gov.mk/javno-naddavanje-za-bilbordi-2026?fbclid=IwY2xjawPdgaBleHRuA2FlbQIxMABicmlkETFhY3MzOGs3a0Zpa1NlZVE5c3J0YwZhcHBfaWQQMjIyMDM5MTc4ODIwMDg5MgABHuSy5qgGwhdDhYXcRYe4l2rE5QfxLozw_DwvFAOuOTdMgms4vZC9hsynZo1M_aem_nyFce-1VkBkSE2y5frbNhw
