Истражувањето за навиките на македонските потрошувачи открива што најчесто се пие во земјава – и резултатите навистина изненадуваат. Дневно, 16% од граѓаните пијат газирани сокови, 18% негазирани, а дури четворица од десет секој ден консумираат минерална вода во шише.
Во споредба со 2024 година, во 2025 се бележи пораст кај сите пијалаци. Најмладите (18–24 години) покажуваат најголем скок во консумацијата на минерална вода – од 89% на 98%, а раст има и кај негазираните сокови, од 87% на 95%. Дури и највозрасните (65+) пијат повеќе минерална вода – од 83% во 2024 на 90% во 2025 година.
Овие податоци покажуваат дека Македонците стануваат сè посвесни за здравјето и хидратацијата. Сепак, газираните сокови сè уште се омилен избор – 30% од испитаниците ги издвојуваат како најпосакуван пијалак. Веднаш зад нив се 100% овошните сокови (18%), негазираната вода (16%) и газираната вода (14%).
Мажите повеќе се наклонети кон газирани пијалаци (33%), додека жените покрај газираните сокови со шеќер (27%), сè почесто избираат овошни сокови (21%).
Кога станува збор за видот на сок, најпопуларни се оние со 100% овошје (31%), потоа овошните нектари со 25–99% овошна содржина (26%), додека само 12% пијат сокови со вештачки ароми.
Интересно е што 15% од граѓаните воопшто не пијат негазирани сокови, а најголем дел од нив се мажи. Очигледно, Македонија се повеќе ја заменува шишето со сок – со шише вода.
