Фудбалските надежи од Академија Пандев, генерација 2016, постигнаа извонреден успех на фудбалскиот турнир Next Level Tournament, кој се одржа во Охрид. Тимот заврши на второто место, демонстрирајќи изедначеност, храброст и тимска работа на секој чекор од патот до финалето.
Тренерот на дечињата, Никола Костадинов, не го криеше задоволството од успехот на своите играчи: „Овој резултат е доказ за упорноста и трудот што ги вложивме изминативе месеци. Јас сум горд на секој играч во оваа генерација, бидејќи ја покажаа својата сила и посветеност. Направивме голем напредок и ова е само почеток за нивната иднина.“
Академија Пандев продолжува да се истакнува како врвна фудбалска академија, која создава млади таленти со потенцијал да станат идни фудбалски ѕвезди.
