Брзото возење е една од најчестите причини за сообраќајни незгоди. Многу луѓе возат брзо бидејќи им се брза, но дали знаете точно колку време заштедувате кога брзате со автомобилот?
Ако ја погледнете пресметката на математичарот Тони Милун, можеби ќе сфатите дека нема причина за брзање.
Тони Милун објави на својата страница на Линкедин, „Колку време заштедуваме ако возиме побрзо?“
Ако возиме растојание од 200 км со брзина од 130 км/ч ќе го поминеме за 1 час и 32 минути. Ако забрзаме до 140 км/ч, ќе заштедиме само шест минути и ќе го поминеме тоа растојание за 1 час и 26 минути. Дали вреди да се брза по патот?“ прашува Милун во својот пост. Тој даде и објаснување.
– Да заклучиме: ако возиме 50 отсто побрзо, не заштедуваме 50 отсто од времето.
Еве објаснување. Не знам за вас, но јас го сакам овој дел од физиката – кинематиката. Се сеќавате на формулата v=s/t? За многумина, тоа беше првата формула за физика што ја сретнаа, и вели дека брзината (v) е еднаква на односот на поминатото растојание (s) и времето (t).
Брзината и времето се обратно пропорционални, т.е. со постојано поминато растојание (s), поголема брзина (v) значи помалку поминато време (t). Значи, процентите на промена не се еднакви.
Ако ви се допаѓаат процентите, погледнете ја табелата и ќе разберете. Ако навистина не сте љубител на проценти, прифатете го мојот збор – брзањето навистина не се исплати – објасни Милун, пренесува хрватски „Индекс“.
Тој сè илустрираше со табела. Ако возите 10 отсто побрзо, заштедувате 9,1 отсто од вашето време. Ако возите 100 отсто побрзо, заштедувате 50 отсто од вашето време.
Во секој случај, неколку часа возење автомобил со брзина поголема од дозволената често значи дека ќе пристигнете на вашата дестинација неколку десетици минути порано отколку ако сте возеле со нормална брзина.
