Кога на Лукас на возраст од шест години му бил дијагностициран редок тумор на мозокот, немало сомнежи што се однесува до тие прогнози. Францускиот лекар Жак Грил морал да им каже на неговите родители дека нивниот син ќе умре. Но, седум години подоцна (Лукас сега има 13) од туморот веќе нема ни трага.
Детето од Белигја станало првото дете на светот кое е излечено од многу агресивен рак – глиом на мозочно стебло. „Лукас ги победи сите изгледи за преживување“, рекол Грил од центарот за рак „Sustave Rouccy“ во Париз, а пренесува „AFP“. Секоја година во САД кај околу 300 деца е дијагностициран дифузен интринзичен понтински глиом (DIPG), а во Франција кај околу стотина.
Изгледите за преживување на деца со тој вид на рак се многу лоши – повеќето не доживуваат ни една година по дијагнозата. Неодамнешно истражување покажало дека само 10 проценти преживуваат до две години подоцна. Радиотерапијата понекогаш успевала да го забави развојот на овој агресивен тумор, а ниеден лек досега не се покажал како ефикасен.
Прв таков случај
Лукас и неговото семејство отпатувале од Белгија во Франција за тој да биде еден од првите пациенти вклучени во истражувањето на „BIOMEDE“, кое тестира потенцијални нови лекови за „DIPG“. Лукас од самиот почеток силно реагирал на лекот против рак, кој му бил доделен наизменично. „Во текот на низа MRI скенирања гледав како туморот целосно исчезнува“, рекол Грил.
Лекарот не се осудил да го прекине третманот се до пред една и пол година, кога Лукас рекол дека и онака повеќе не ги зема лековите. „Не знам за ниеден друг таков случај во светот“, рекол Грил.
Се уште не е сосема јасно зошто Лукас во целост закрепнал и како неговиот случај би можел да помогне на други деца како него. Седум други деца кои учествувале во испитувањето исто така преживеале неколку години по дијагнозата, но само кај Лукас туморот целосно исчезнал.
„Причината поради која овие деца реагирале на лековите додека други не, веројатно е од биолошка природа. „Туморот на Лукас имаше многу ретка мутација поради која клетките веројатно биле многу почувствителни на лекот“, рекол Грил.
„Случајот на Лукас буди надеж“
Научниците сега ги проучуваат генетските абнормалности на туморот на пациентите, како и развојот на туморските „органоиди“, односно клетки произведени во лабораторија. „Случајот на Лукас буди вистинска надеж. Ќе се обидеме им витро да ги репродуцираме разликите кои ги идентификувавме во неговите клетки“, рекла Мари-Ен Дебили, која ја надгледува работата во лабораторијата.
Тимот имено сака да репродуцира нови генетски специфичности во органоидите за да види дали ќе може туморот да се уништи подеднакво ефикасно како што тоа се случило кај Лукас. „Ако успееме во тоа, тогаш ќе се обидеме да пронајдеме лек кој го има истиот ефект на клетките на туморот“, рекла Дебили.
Иако научниците се ентузијастични поради потенцијалот на ваквиот третман, предупредуваат дека ваквиот вид на лекување сè уште е далеку до тоа да стане достапен на глобално ниво.
