Еден поранешен вработен во УЈП завршил во притвор бидејќи помагал на разни компании да го зголемат ДДВ-то на фиктивен начин, рече синоќа во Клик Плус директорката на УЈП, Сања Лукаревска. Станува збор за 34 компании кои со своите конекции и криминални цели сакале да го оштетат државниот буџет.
Околу 700 работодавачи не им даваат плата на време на вработените. Ним им се блокирани сметките. За тоа, Лукаревска вели дека тие компании ќе бидат објавени со цел да ги видат сите граѓани.
Лукаревска соопшти дека е формиран национален совет за борба против сивата економија со цел да се одлучи како ќе се постапува понатаму. Од јануари до 30 октомври се извршени 3712 контроли.
