Во времето на царот Декиј имаше големо гонење на христијаните. Самиот цар дојде во Ефес и овде приреди гиздаво и бучно празнување на мртвите идоли, но и страшен колеж на христијаните. Седуммина момчиња, војници, се воздржаа од скверното жртвопринесување и усрдно Го молеа Бога Единствениот да го спаси христијанскиот род. Беа синови на најугледните ефески старешини, а имињата им беа: Максимилијан Јамвлих, Мартинијан, Јован, Дионисиј, Егзакустодијан и Антонин. Кога беа обвинети кај царот, се засолнија на ридот Охлон зад градот Ефес и овде се скрија во некоја пештера. Кога царот дозна за тоа, нареди да ја заѕидаат пештерата со момчињата внатре. А Бог, според Својата далекусежна Промисла, пушти еден чуден и долготраен сон на нив. Царските дворјани Теодор и Руфин, кои беа потајни христијани, дадоа таму да се вѕида и едно бакарно ковчеже со оловни плочи на коишто беа испишани имињата на овие момчиња и нивната маченичка смрт во време на царот Декиј. Оттогаш поминаа над двесте години. Во времето на царот Теодосиј Помладиот (408–450) настана голем спор околу воскресението на мртвите, затоа што имаше некои што се посомневаа во воскресението. Царот Теодосиј беше во голема тага заради овој спор меѓу верните и Му се молеше на Бога на некој начин да им ја објави вистината на луѓето. Во тоа време на бура во Црквата, овчарите на некој Адолиј кој го поседуваше ридот Охлон, почнаа да прават трла за овците и земаа камен по камен од онаа пештера. Тогаш младенците се разбудија од сон, млади и здрави какви што заспаа. И тоа чудо се разгласи на сите страни, та и самиот цар Теодосиј дојде со голема свита и со умиление разговараше со момчињата. После една недела тие повторно заспаа со сон смртен, за да го чекаат општото воскресение. Царот сакаше да ги положи нивните тела во златни ковчези, но тие му се јавија во сон и му рекоа да ги остави на земја како што се полегнати.
Денес се празнуват Светите седуммина младенци во Ефес
Пронашле граната од Прва Светска војна и ја однеле во полициска станица
Неексплодирана граната за која се претпоставува дека е уште од Првата Светска војна вчера напладне била пронајдена и однесена во…
ТОШКОВСКИ: ВИСОКОРАКОВОДНИ СТРУКТУРИ ВО ПОВЕЌЕ ИНСТИТУЦИИ СЕ ВО СПРЕГА СО МАФИЈАТА
Министерот за внатрешни работи Панче Тошковски во гостување на ТВ21 вели „спрегата помеѓу мафијата и државата во изминатиов период била…
СКАПИ ВИ СЕ ТАКСИ УСЛУГИТЕ? Еве колку плаќаме кај нас а колку во светот
Многумина реагираат на цените на такси услугите во Скопје. Меѓутоа се чини дека сепак меѓу поевтините цени за такси услуги…
Илон Маск: „Луѓето ќе живеат во град на Марс во следните 30 години“
Технолошкиот тајкун Илон Маск изнесе храбро тврдење дека луѓето би можеле да живеат во град на Марс во следните 30…
Речиси да нема место во Македонија, кое нема назив поврзан со епскиот јунак Крале или Крали Марко, кој е најопеан…
Брза пошта „ЕКО ЛОГИСТИК СЕРВИС“ има потреба од КУРИР за достава на пратки во реонот на Струмица. Предност имаат куририте…