Со оптимизам, полни полици и многу ниски цени, трговските претпријатија официјално ја креваат завесата за стартот на летниот продажен период кој започнува денеска и ќе трае до среда, 31 август, а во недела, на 16 јули, се отворени продавниците низ цела Грција, пренесува Катимерини. Подготвувајќи го соодветно теренот, многу комерцијални бизниси веќе влегоа во битката на летната распродажба со резервации и понуди и преку дигиталниот канал и преку физичките продавници со цел да ги ликвидираат сезонските производи и да ја „наполнат својата каса“.
Комерцијалните претпријатија се радуваат на претстојниот продажен период“, рече Ставрос Кафунис, претседател на Атинската трговска асоцијација EСА во изјавата по повод претстојниот почеток на летната продажба. Посебно внимание мора да се посвети и на почитувањето на одредбите за попусти и намалени цени, бидејќи казните се тешки. Поточно, според член 21 од Законот 4177/2013, на оние кои ќе го прекршат законот им се казнува глоба еднаква на 1 отсто од годишниот промет и во секој случај не помала од 10.000 евра.
Во најлош случај кога ќе се утврди дека попустите се неточни или погрешни, се изрекува глоба во износ од 2 отсто од годишниот промет и во секој случај не помала од 20.000 евра. Трговците се надеваат дека и оваа година попустите ќе допрат и ќе ги привлечат потрошувачите. Целта на трговијата на мало летово е вкупниот промет јули-август да се помести над минатогодишните 6 милијарди евра и да достигне 7 милијарди евра годинава.
