Осумгодишниот математички генијалец Македон Димитровски од Тетово освои сребрен медал на меѓународниот натпревар „Математика без граници“.

Македон, покрај генијалноста во математиката, зборува и повеќе јазици, меѓу кои германски, англиски, кинески и арапски, објавија неговите родители на Фејсбук.
Малиот генијалец од Тетово има коефициент на интелигенција 134, а предвидувањата се дека истиот со тек на годините ќе достигне до 145-150.

За потсетување, минатата година Македон на истиот натпревар освои златен медал во зимската сесија, а медалите му беа врачени на последниот училиштен ден од минатата учебна година, кога беше организирана и посебна церемонија.

Тој честопати на социјалните мрежи знае да одржи лекции од разни области што во моментот го интересираат, како историја, географија, астрономија…