Претставникот на Македонија на овогодинешното издание на Евровизија 2020 пораснал низ струмичките улици и сокаци. Васил Гарванлиев е име кое многу добро им е познато на струмичани, од неговиот детски хит „Марионка“ , успесите низ Европа и неговото учество како пратечки вокал на Тамара Тодеска мината година.
Оваа година, тој ќе ја има евровизиската сцена само за себе. Ќе ја претставува нашата земја со песната „You”, која премиерно беше објавена на 8 март. Песната моментално е четврта во трендинг во државата и на пејачот му донесе лавина коментари. Како струмичани ќе ја оценат работата на нивниот сограѓанин?
