Од вчера до 17 мај во просториите на Центарот на заедницата во Струмица, се одржува Обука за меки вештини за млади невработени лица со попреченост, чија цел е запознавање со законската регулатива за лицата со попреченост, вештини за барање работа и решавање проблеми, подготовка на CV и на мотивациско писмо, однесување на работното место, тимска работа и управување со финансиите.

Оваа обука е во рамките на проектот „Инклузивни партнерства во заедниците“, во кој се вклучени ООУ „Сандо Масев“ од Струмица, ООУ „Гоце Делчев“ од с.Вељуса и СОУ „Јане Сандански“ од Струмица, општина Струмица како партнер и Здружението на граѓани за помош и поддршка на лица со Даунов синдром „Вера“ од Струмица. Проектот го спроведува Фондацијата за образовни и културни иницијативи „Чекор по чекор“, а е финансиран од Европската комисија, преку Европскиот инструмент за демократија и човекови права-Поддршка за граѓанското општество преку национални програми за поддршка.