Неодамна Кочани се одржа Регионалниот натпревар по Математика за учениците од средните училишта. Учениците математичари на СОУ „Јане Сандански“ оттаму се вратија со освоени три први места, неколку втори и трети награди и пофалници.
Од I година, под менторство на професорот Петруш Џорлев, ученикот Димитар Трајков со максимални 100 поени ја освои првата награда, учениците Стефани Стојанова, Виолета Џорлева и Раде Перовановиќ ја освоија втората награда, а Елеонора Лазарова третата награда. Ученичките Анастасија Зимбакова и Светлана Иванова добија пофалници.
Учениците од II година, под менторство на професорката Елизабета Витанова освоија две втори награди, две трети награди и две пофалници. Втора награда освоија ученичките Симона Златанова и Марта Вучкова, трета награда учениците Васил Бунгурџиев и Роберт Јанев, а пофалници добија Стефани Тасева и Стојан Николов.
Ученичката Катерина Стоилова од III година, под менторство на професорката Божана Лазарова, ја освои третата награда.
Учениците од од IV година Дмитар Звонимир Митев и Крсте Симеонов, под менторство на професорката м-р Елена Лазарева, од Кочани се вратија со освоени први награди и освоени максимални 100 поени, а ученикот Дарко Перовановиќ доби пофалница.
