Откако поминаа само три дена кога во понеделникот порталот СТРУМИЦА ДЕНЕС објави апел за малата струмичанка Софија на која итно и е потребно лекување на клиника во Турција кое изнесува 28.000 евра, проблемот со финансиите се реши! Покрај големиот одзив од луѓе низ цела Македонија, прв со конкретна помош се понуди Бојан Јовановски кој објави дека неговата телевизија 1ТВ и БЈМ Медиагруп целосно ќе го покријат лекувањето на Софија во Турција.
Мајката на Софија сеуште не може да си поверува дека некој кој не го познаваат го направи тоа за нив! Тимот на Струмица Денес ќе продолжи да го следи овој случај и се надеваме дека наскоро ќе ве изненадиме со фотографии од малата Софија која здравје боже ќе биде целосно излекувана.
