На 24 јануари 2023 година, на Торонто Берзата(TSX), Еуромакс Ресоурцес Лтд објави дека успешно се завршени преговорите со новиот инвеститор, НД Групацијата, којшто заедно со Трафигура Групација ја потврдија стратешката определба да продолжат заедно со другите акционери со финансирањето на развојот на мега-инвестицискиот Проект Иловица-Штука. Како дел од трансакцијата, обезбедени се дополнителни 3 милиони УС долари за финансирање на оперативните активности на Еуромакс Ресоурцес.
Извршниот Претседавач на Бордот на Еуромакс Ресоурцес, Г-дин. Тим Морган-Вејн изјави: „Ние сме среќни што можеме да им посакаме добредојде на НД Групацијата како наш нов деловен партнер заедно со Трафигура Групацијата и другите акционери. НД Групацијата има потврдено богато искуство инвестирајќи во големи проекти низ Југоисточна Европа како и во Република Северна Македонија. Нивната одлука да се приклучат во нашиот тим ќе претставува голема и значајна придобивка за развојот на нашиот Проект за рударски комплекс Иловица-Штука, со што Република Северна Македонија, како иден производител на значајни количини на бакар, ќе придонесе за процесот на декарбонизација на европската економија.“
Позитивната клима и подготвеноста на Трафигура Групација да го поддржи развојот на Проектот Иловица-Штука беше потврдено и директно од Извршниот Претседател на Еуромакс Ресоурцес Лтд., Г-дин Николас Треанд, во неговото интервју дадено во годишното издание на „Економист“. Според интервјуто на Г-дин Николас Треанд, дополнително охрабрува фактот на позитивниот тренд во јавноста, на регионално и национално ниво, и поголемата спремност за подршка на реализацијата на Проектот Иловица-Штука, наведувајќи дека неколку стотици жители од двете најблиски села Иловица и Штука веќе имаат потпишано„Меморандум за Соработка“ со Еуромакс Ресоурцес, со цел подобрување на животниот стандард и квалитетот на живеење на локалните жители од овие села преку развој на Проектот и негово долгорочно функционирање.
Преку Проектот Иловица-Штука ќе се обезбедува бакар во следните децении, што е критичен минерал потребен за предвидената трансформација во „зелена“ одржлива економија. Значењето на бакарот го потврди и Извршниот Директор на Трафигура Г-дин. Џереми Вир во неговиот говор на Светскиот Економски Форум 2023 во Давос, Швајцарија, каде што го истакна следново: „Ако сакаме да достигнеме нето-нула емисии до 2050 година, треба да обезбедиме две третини од енергијата од обновливи извори до 2030 година. Во тоа сценарио ќе ни биде потребно годишно зголемување на производството на бакар за 30%.“
За реализацијата на Проектот Иловица-Штука ќе бидат вложени 340 милиони евра директни странски инвестиции, ќе се отворат нови 3200 работни места во текот на работењето на идниот рударски комплекс, ќе се реализира извоз од над 200 милиони евра на годишно ниво, и во државниот буџет ќе се уплаќаат минимум 24 милиони евра годишно за даноци. Како краен ефект, со работењето на идниот рударски комплекс, се проценува дека просечно ќе се придонесе до зголемување на Бруто Домашниот Производ за над 4% на национално ниво. Функционирањето на овој современ рударски комплекс директно ќе помогне за стопирање на трендот на иселување на младите генерации во потрага по можности во другите развиени земји.
(Комерцијална ПР објава)
