Струмичките средношколци од Струмица имаа одличен настап на спортската Гимназијада во Тетово на која сите шест екипи се враќаат со медали. Тие освоија 4 први, едно второ и едно трето место. Фудбалерите и фудбалерките на СОУ „НИКОЛА КАРЕВ“ станаа средношколски шампиони совладувајќи ги во финалето екипите на Никола Стејн (Тетово) и Брицо Скопје.
Одбојкарите на СОУ „НИКОЛА КАРЕВ“ во финалето славеа со 3-1 над М.М БРИЦО СКОПЈЕ а одбојкарките на СОУ „ЈАНЕ САНДАНСКИ“ со 3-0 го победија Ј.Б ТИТО од Битола.
И ракометарите на СОУ „ЈАНЕ САНДАНСКИ“ го освоија сребрениот медал откако во финалето беа поразени од Нико Нестор Струга, а кошаркарите од истото училиште во малото финале ги победија гимназијата на „Гоце Делчев“ од Куманово и го освоија третото место и бронзениот медал. Честитки!
