СТРУМИЧКАТА ГОРДОСТ БЕЛАСИЦА СО НОВО ЗАСИЛУВАЊЕ: ДА СИЛВА ЌЕ ИГРА ЗА СИНО-БЕЛИТЕ!

јуни 18, 2020

Еден од најдобрите играчи за врска во ПМФЛ во изминатите две сезони се пресели во редовите на ФК Беласица. Да Силва ни доаѓа од редовите на ФК Македонија Ѓорче Петров 1932, каде забележа 62 настапи и постигна 10 погодоци.

Бразилецот е играч кој располага со извонредна визија за игра, одличен удар од далечина, специјалист за слободни удари и е фудбалер кој секогаш го дава максимумот на фудбалскиот терен.

Шефот на стручниот штаб Ване Милков со изјава за новото засилување: „Ми претставува големо задоволство што играч со таков квалитет ќе биде дел од тимот за новата сезона. Робсон е доста талентиран фудбалер, со големи технички квалитети и сигурно ќе биде значајно засилување за нас.“

„Сакам да се заблагодарам на ФК Беласица што ми овозможија повторно да играм и да го покажам мојот квалитет во Македонија. Се надевам дека со благослов од Господ ќе направиме успеси во новата сезона.“ – изјави бразилецот Да Силва.

ФК Беласица му посакува добредојде и успешна сезона за новата аквизиција.

Споделете ја оваа вест доколку ви се допадна: