Македонското знаме се развиоре покрај трофејот од Купот на Иран. Поранешниот играч за врска на Турново и на Работнички, Бојан Најденов беше дел од Естегал во победата над Конех бе Конех со 1:0 во куп-финалето одиграно на стадионот во Хоремшехр. Тимот од Техеран го постигна единствениот гол во 35 минута доволен за рекордниот седми трофеј во ова натпреварување.
Тренер на оваа екипа е легендарниот германски стручњак Вини Шефер.
