Никола Ѓорѓиев, капитенот на македонската одбојкарска репрезентација, доби признание за посебни достигнувања во спортот за 2019 година од страна на Агенцијата за Млади и Спорт (АМС).
Главниот мотиватор на одбојкарската репрезентација на деби-настапот на ЕП 2019 и воедно нашиот најуспешен одбојкар, од говорницата се заблагодари за признанието и истото им го посвети на сите негови блиски, односно семејството, соиграчите, пријателите, неговата секојдневна поддршка.
„Мора да се заблагодарам за оваа награда за АМС. Чест и привилегија е да се биде тука. Благодарност до моето семејство, таа е 15 години моја поддршка, благодарност до ОФМ која ни овозможи да дојдеме од трње до ѕвезди. Исто така оваа награда не е само моја, туку и на сите соиграчи. 2019 беше феноменална година за нас, се надевам дека во 2020 ќе продолжиме во ист ритам. Имаме Европска лига, имаме квалификации и се надевам дека пак заедно ќе се радуваме“, изјави Ѓорѓиев.
Ѓорѓиев покрај што настапува со голем успех во македонската одбојкарска репрезентација, бележи успеси и во германски Фридрисхафен.