Раководните луѓе на Беласица активно го засилуваат својот тим по лошиот старт на новата сезона во ПМФЛ, а денес во Струмица како нови засилувања беа претставени Влатко Дробаров и Немања Петров.
25-годишниот Дробаров настапува на стоперската позиција, а во тимот на Беласица доаѓа од АЕЛ Лимасол и се очекува да биде вистинско засилување за тимот. Во својата кариера настапуваше за Банатс од Ерменија, Мурчелагос од Мексико, Тетекс, Скопје и Напредок.
23-годишниот Немања Петров, кој дејствува по десната крилна позиција, на стадионот „Младост“ пристигна од Раднички Пирот и се очекува да придонесе за ефикасноста на тимот.
Беласица по првите три кола во новата сезона на ПМФЛ е без триумф и со три порази се наоѓа на последното место.
