Иако бевме за класа подобри од Косово, имавме водство од 2:1, имавме игра и шанси за поубедлив резултат, сепак тензично и неизвесно беше во тие шесте минути во судиското продолжение. И кога тој фамозен судија Дани Макели отсвири крај, голема радост кај нашите, а во радоста најмногу еуфорија покажаа директорот Дени Масев и селекторот Игор Ангеловски кои буквално “ПОЛЕТАА“ од радост. Ова веројатно е антологиско фото. Наша желба е Дени и Мрме и во Тбилиси на 12 ноември вака да “ПОЛЕТААТ“, како што ќе полета цела Македонија ако се пласираме на ЕВРО 2020.
