Тетовска Шкендија забележа победа на гостувањето во Романија кај Ботошани со 0:1 и се пласираше во третата рунда од квалификациите за Лигата на Европа.
Македонскиот претставник во второто по квалитет натпреварување во Европа уште во третата минута до отвори резултатот, а стрелец на голот беше Бесарт Ибраими со убав удар од далечина.
Романците одиграа добар натпревар и имаа неколку добри шанси, но Костадин Захов спаси неколку удари на домаќините.
Шкендија од 67. минута играше и со играч помалку, откако Арменд Алими доби втор жолт и автоматски црвен картон, но и со играч помалку тетовскиот тим успеа да ја задржи предноста.
Искрени честити за Шкендија и за двајцата наши струмичани Љупче Дориев и Дино Захов! Наредниот четврток во Скопје Шкендија ќе игра против силниот Тотенхем!
