Се огласи и Џо Бајден: Путин избра војна која ќе биде со катастрофални загуби!

февруари 24, 2022

Американскиот претседател, Џо Бајден, ја осуди руската воена операција во Украина.

„Молитвите на целиот свет се со народот на Украина вечерва, бидејќи тие трпат неиспровоциран и неоправдан напад од руските воени сили. Претседателот Путин избра војна со предумисла која ќе донесе катастрофални загуби на животи и човечко страдање. Само Русија е одговорна за смртта и уништувањето што ќе ги донесе овој напад, а САД и нивните сојузници и партнери ќе одговорат на обединет и решителен начин“, се вели во соопштението на Бајден.

Понатаму се додава дека светот ќе ја повика Русија на одговорност, а истотака ќе бидат координирани сојузниците од НАТО за да се осигура силен и обединет одговор што ќе одврати агресија против алијансата.

Бајден најави дека денеска има договорено итна средба со лидерите од Г-7 и дека потоа ќе се обрати до американскиот народ.

Споделете ја оваа вест доколку ви се допадна: