ВО СТРУМИЦА ЌЕ СЕ ОДРЖИ НОВОГОДИШЕН БАЗАР 2023!

декември 23, 2022

Празнична атмосфера ќе ја обземе Струмица од 24-ти до 31-ви декември 2022 година, исполнета со многу забава и несекојдневна понуда на новогодишни производи. Отворањето на базарот е закажано во 13 часот, а веќе од 15:30 ќе може да уживаме во настапот на Ивана Василева, додека во 17 часот најмалите ќе може да се забавуваат со ликовите од „Во светот на Биби“.

Овогодинешниот Новогодишен базар 2023 повторно се враќа на познатата локација на Градскиот плоштад, заедно со сета своја магија сокриена во малите дрвени куќарки во кои ќе најдете исклучително ретки и уникатни изработки, прекрасни подароци за овие новогодишни празници. Топли и вкусни напитоци, вкусни колачи, разни ракотворби, сувенири и други производи ќе бидат само дел од богатата понуда на учесниците.

За забавата да биде на потребното празнично ниво, програмата ќе биде исполнета со многубројни настапи на звучни музички имиња и бројни детски настапи за најмалите.

Во прилог е целосната програма со термини по датуми.

Споделете ја оваа вест доколку ви се допадна: