На 12.04.2022 во 13.45 часот во СВР Струмица било пријавено дека на крстосница од ул.„Мајка Тереза“ и ул.„Коло Орцев“ во Струмица се случила сообраќајна несреќа помеѓу товарно возило „цитроен берлинго“, управувано од Д.Д.(41) од Струмица и мотоцикл „џилера“, управуван од малолетник од Струмица, двете со струмички регистарски ознаки.
Во несреќата со тешки телесни повреди се здобиле мотоциклистот и малолетен сопатник на мотоциклот, додека Д.Д. се здобил со телесни повреди, констатирани во Медицински центар Струмица.
Увид на местото извршила увидна екипа од СВР Струмица.
