НЕМА ВЕЌЕ ПАЛЕЊЕ НА ДЕПОНИЈАТА ВО БОСИЛОВО – ПОСТАВЕНИ СЕ КАМЕРИ И ЦЕЛОСНО Е ОГРАДЕНА!

септември 15, 2022

Ристо Манчев, градоначалник на општина Босилово:

Палењето и горењето на депонијата во Босилово е долгогодишен и сериозен проблем за граѓаните на Босилово.

И покрај сите напори и оваа година, во периодот од 01 Јули до 04 Август, имавме проблеми со горењето на депонијата.

Со цел решавање на проблемот, во изминатиот период во соработка со ЛАГ Беласица – Огражден се пристапи кон:

– Целосно оградување на депонијата
– Поставување на соларни камери
– Порта
– Чуварница
– Засадување на зимзелени дрвца кои ќе имаат естетско и практично значење
– Редовно одржување и чистење.

Во наредниот период ќе бидат преземени и други мерки, а во план е и нејзино затварање во летните месеци следната година, односно воведување на систем на контролирано фрлање на отпадот исклучиво за граѓаните од населено место Босилово.

Споделете ја оваа вест доколку ви се допадна: