Планинари од неколку градови од државата по 18 пат маршираат во чест на загинатиот претседател Борис Трајковски. Преку четири етапи треба да поминат околу 200 километри. Традиционално како и во изминатите години, стартуваа од пред споменикот Македонија во Струмица поставен во чест на Трајковски , а крајната цел им е неговото вечно почивалиште во Скопје.
Планинарскиот марш во чест на Борис Трајковски чиј организатор е ПАОК Ентузијаст од Струмица се одвива во два дела. Вториот ќе биде за време на викендот кога околу шеесетина планинари од Македонија и Бугарија ќе го искачат врвот Бо Тра на Беласица, висок 1880 м.н.м.
