Home

Perdormire
Струмица

Децата поддржани од СОС Детско село уживаа во “Junior picnic day”

Home

Децата поддржани од СОС Детско село уживаа во “Junior picnic day”, во организација на финансиското друштво Флекс Кредит. Вработените во оваа компанија, заедно со своите деца, се дружеа и забавуваа со дечињата и згрижувачите поддржани од СОС Детско село за да се создадат нови пријателства меѓу најмладите.

„Одлучивме континуирано да ги помагаме децата бидејќи тие се нашата иднина. Затоа станавме стратешки партнери со СОС Детско село и организираме различни активности со кои ќе ги ќе го разубавиме нивното секојдневие. Ние сме компанија „од збор“ и го остваруваме ветеното. Иако временските услови не беа многу добри, сепак го организиравме настанот и го реализиравме ветеното кон дечињата. Сакаме да докажеме дека доколку нешто сакате, ништо нема да ве спречи и дека играме во победнички тим, кој со својата визија и професионалност поместува граници”, велат од Флекс Кредит.

Овој јуни, Флекс Кредит и СОС Детско село станаа стратешки партнери, потпишувајќи Меморандум за соработка.

Децата поддржани од СОС Детско село беа презадоволни од забавата и дружбата со децата на вработените во Флекс Кредит. „Со добри пријатели, ниту дождот не не спречи одлично да се забавуваме и да уживаме. Заедно со нашите пријатели од Флекс Кредит, пеевме, игравме, јадевме бургери, се смеевме, а и научивме и по некоја магија“, напишаа од СОС Детско село.

На дружбата децата уживаа со најдобрите и најзабавните маскоти и аниматори, најмагичниот Магионичар и најдобриот Диџеј, како и во превкусните бургери. Забавата за најмалите беше организирана во игротека, дечињата ужуваа во магичните трикови и дружење со Мики и Мики, донесувајќи дел од Дизниленд во Сос Детско Село. Додека родителите и згрижувачите уживаа во добра храна и забава.

Исто така, Флекс Кредит наместо да организира роденденска прослава за својот втор роденден, парите ги намени за хуманитарни цели за поддршка на работата на СОС Детско село. Целта на компанијата Флекс Кредит е да стане најголем финансиски донатор на оваа невладина организација, чија мисија е „ниту едно дете не треба да расте само“.