bandr
Струмица

Честитка од градоначалникот Коста Јаневски по повод големиот христијански празник Велигден


Градоначалникот на општина Струмица, Коста Јаневски, по повод големиот христијански празник Велигден упати честитка до граѓаните.

Почитувани сограѓани – Христијани,
Во пресрет на „Празникот над празниците“, каков што e Велигден, сакам од длабочината на моето срце да Ви посакам, радосната вест за Христовото Воскресение да ве затекне во добро здравје и убаво семејно расположение. Традицијата на славење на овој голем празник и сите негови белези, нека и годинава бидат во духот на подадената рака, разбирањето и љубовта меѓу луѓето.
Во домовите на сите граѓани во општина Струмица, нека завладеат слогата, хармонијата и сите семејни вредности, а деновите на празнување нека бидат исполнети со радост и среќа. Со вера, љубов и надеж во нашите срца и души, да бидеме подобри луѓе и да дадеме свој придонес за посреќни семејства и понапредна општина, во која секој ќе се чувствува задоволен, среќен и исполнет.
Нека Ви е честит и вековит Велигден.
ХРИСТОС ВОСКРЕСНА – НАВИСТИНА ВОСКРЕСНА!