Верувале или не, ова вкусно мезе се прави од леб, а подготовката одзема само неколку минути – за исто толку и ќе ја испразните чинијата.
Периодов вечерите ги поминуваме во домот, па зошто да не го искористите времето со најблиските за дружење со мезе?
Кога сакате вкусно мезе, нормално, не ви се меси, а во фрижидерот немате замрзнати лиснати, овој рецепт е идеален спас.
Вкусните триаголничиња се прават од тост-леб, а може да ги наполните со фил по желба, а ние најдовме идеална комбинација…
Потребни состојки:
- 10 парчиња тост леб
- 100 g рендан кашкавал
- 8 парчиња сланина, крцкаво запржена и сечкана
- 2 лути пиперчиња, сечкани
- 3 јајца
- 250 ml млеко
- ½ лажичка сол
- ½ лажичка бибер
Начин на подготовка
- Измешајте ги кашкавалот, сланината и пиперките.
- Исечете ја кората од лебот и внимавајте да создадете рамни краеви од коцката на лепчето.
- Во посебен сад измешајте ги јајцата, млекото и зачините.
- На една страна од лепчето редете по 1 лажица од мешавината со кашкавал и сланина, спојте два дијагонални агли и притискајте со прстите по краевите за да се зацврстат.
- Потопете ги сите триаголници во мешавината од јајца и млеко.
- Загрејте малку путер на тавче и запржете ги триаголниците од двете страни додека не станат кафеави.
- Послужете со сос по желба.
