Градоначалникот Коста Јаневски денеска оствари средба со амбасадорката на Обединетото кралство на Велика Британија и Северна Ирска во Република Македонија, Рејчел Галовеј и нејзините соработници. На средбата на којашто присуствуваа и претседателот на Советот на општина Струмица, Марјан Даскаловски и секретарот на Општината Александар Оџаков, се разговараше на повеќе актуелни теми, се презентираа капацитетите и можностите за развој на општина Струмица, а заеднички беше потврдена заложбата за унапредување на соработката во повеќе области.
