bandr
Екологија

„Комуналец“ денеска комплетно го исчисти селото Водоча

Акцијата за генерално чистење на населените места продолжи и денеска. Вработените во одделението „Комунална хигиена“ при Јавното претпријатие за комунални дејности „Комуналец“, денеска, работеа во населеното место Водоча. Извршено е генерално чистење, машински и рачно се метеа улиците, комплетно се средија парковите, беше искосена тревата и се собра и подигна отпадот од јавните површини. Според Бранко Горѓиев, раководител на „Комунална хигиена“, чистењето се врши согласно годишниот план за генерално чистење на населените места во општина Струмица.