ЕКСКЛУЗИВНО: Струмица ОПЕН фестивал годинава од 3 до 13 август

Здружението Културен забавен живот – КЗЖ Струмица“ го најави датумот за шестото издание на најголема летна културно-уметничка, едукативна и забавна манифестација во Македонија.

По шести пат, од 3 до 13 август во текот на единаесетте фестивалски денови нашиот град ќе заживее со посебен дух кој го носат младите – организатори на сите настани. Овој македонски бренд станува гордост на струмичани и омилена локација на мапата со обележан датум на календарот на многу гости од цела Македонија и дијаспората.

Според првичните најави на официјалните социјални мрежи, годинашното издание на Струмица ОПЕН фестивал ќе се одржи под насловот: „Направено со љубов“.

Во претходните 5 изданија учествуваа над 60 музички ѕвезди, беа одржани над 100 културно-уметнички настани и присуствуваа над 800.000 среќни и весели посетители. Од танцови работилници, детски фестивал, хип хоп револуција, акустична романтика, трка на келнери, стенд ап шоу, афоризми, фолклор, поезија и уметност до големи музички концерти на македонски, балкански и светски музичари од сите жанрови.

„Константните позитивни резултати кон градење и дистрибуција на култура преку разновидна програма за сите возрасти се наш голем поттик за идни поголеми остварувања. Се надеваме дека годинава ќе доживеете фестивал направен со љубов во кој ќе уживате“, велат организаторите.

маркетинг


Select
Ознаки: , ,