ВМРО-ДПМНЕ: Алармантна е негрижата на Заев во Струмица кога владее поларен студ

„Алармантна е негрижата на Зоран Заев и локалната власт во Струмица за градот и струмичани во периодот кога владее поларен студ. Викендов во Струмица повеќе од 30 лица се пожалиле на повреди поради лизгање и паѓање на мразот кој Зоран Заев и локалната самоуправа не го исчистиле од струмичките улици“, сметаат од ВМРо-ДПМНЕ.

„Во Струмица на улица 16 луѓе се здобиле со скршеници, некои од нив се оперирани. Сето ова поради лизгање и паѓање на мразот. Поради ваквата состојба лекарите препорачуваат струмичани, особено повозрасните, да не излегуваат од дома.

Ете што Заев направи од градот. Додека тој новогодишните празници ги поминува во луксузни одморалишта во топли краеви, а божиќните денови ги исполнува уживајќи по планини со скапи возила за возење на снег, за што гордо се фали на социјалните мрежи, струмичани добиваат совети да не излегуваат од дома за да не се здобијат со скршеници, затоа што нивниот градоначалник не води сметка за нив, нивната безбедност и здравје.

За аболицираниот криминалец Зоран Заев е поважен личниот луксуз, отколку граѓаните кои му ја дале довербата да води сметка за нив и условите во кои живеат.

Срамен е ваквиот незаинтересиран однос на Заев. За него Струмица и струмичани се интересни само кога преку криминални тендери може да им ги црпи парите со кои ќе гради хациенди на тропски локации и ќе бега од градот и од одговорноста која ја има“, додаваат меѓудругото од партијата.

маркетинг


Select